جامع العلوم بالاپور آکولہ مہاراشٹر میں تقریری مسابقہ کا انعقاد
ای سی نیوز ڈیسک
23/07/24
علماء مدارس کو انگریزی زبان وادب کے زیور سے آراستہ وپیراستہ کرنے کے تعلق سے اپنی ممتاز پہچان رکھنے والا ملک کا ہر دل عزیز ادارہ مرکز المعارف ایجوکیشن اینڈ ریسرچ سینٹر ممبئی سے منسلک مدرسہ جامع العلوم بالاپور(جے یو ای آر سی) آکولہ مہاراشٹر میں زبان وادب پڑھنے والے فضلاء مدارس کے درمیان انگریزی زبان میں سال رواں کا پہلا تقریری مسابقہ بڑے ہی شان و شوکت کے ساتھ مدرسہ ہذا کی پرشکوہ مسجد میں منعقد ہوا، جس میں حتمی مرحلہ کے لیے چنندہ کل آٹھ طلبہ نے متنوع کلیدی عناوین پر بصیرت افزا اوردلچسپ تقاریر پیش کرکے اپنی خوابیدہ صلاحیتوں کو اجاگر کرنے کی بھرپور کوشش کی۔
بلاشبہ تقریر وخطابت اپنی مافی الضمیر کو ادا کرنے کیلئے بہترین ذرائع ابلاغ میں سے ایک ہے:
پروگرام میں نظامت کی ذمہ داری کو سنبھالتے ہوئے مولانا فیصل قاسمی نے آنے والے مہمانان کرام کو مدرسہ کا اجمالا تعارف کرایا۔ پروگرام کا باظابطہ آغاز مدرسہ ہذا کے استاذ قاری ثناءاللہ کی پر کیف تلاوت اور مولانا زاہد کی جانب سے شان اقدس ﷺ میں مدحت سرائی سے ہوا۔
پروگرام میں تین اہم حکم حضرات رہے شعبہ انگریزی کے اساتذہ مولانا عمران قاسمی، مولانا فیصل قاسمی اور مولانا اسماعیل مظاہری نے پروگرام کو زینت بخشتے ہوئے بحسن وخوبی اپنی ذمہ داری کو سر انجام دیا۔
پروگرام میں پہلی پوزیشن حاصل کرنے والے مولانا ندیم قاسمی نے "قرآن اور جدید سائنس” کے عنوان پر اچھی تقریر پیش کی اور دوسری پوزیشن حاصل کرنے والے مولانا وسیم قاسمی نے ” عالم کے لیے مذھب اسلام کی رحمتیں ” جبکہ تیسری پوزیشن حاصل کرنے والے مولانا صابر نے "اسلام میں مذھبی آزادی ” کے عنوان پر بصیرت افزا تقریر پیش کرکے پروگرام کی رعنائی میں اضافہ کیا۔
پروگرام کے حکم رہے مولانا اسماعیل مظاہری نے طلبہ سے مخاطب ہوتے ہوئے کامیاب ہونے والے ہونے والے طلباء کو مبارکباد پیش کی اور دیگر مساھمین کو ہمت افزاء کلمات سے نوازا۔
مدعو کیے گئے معزز مہمانان عظام میں سے ڈاکٹر مشیر صاحب بالاپور اور یوسف پٹھان سر باڑے گاؤں نے طلباء کی کارکردگی کو دیکھ کر ان کی ستائش کرتے ہوئے اہل مدرسہ کی بھی خوب داد رسائی کی اور کامیاب ہونے والے طلباء کو اپنے قیمتی مشوروں اور نیک تمناؤں سے نوازا۔
پروگرام کے اخیر میں مدرسہ ہذا کے نائب مہتمم مفتی محمد احمد صاحب قاسمی نے باہر سے آئے ہوئے مہمانوں کا دل کی اتھاہ گہرائیوں سے شکریہ ادا کیا۔ اور نتائج کا اعلان کرتے ہوئےحتمی مرحلے میں شریک ہونے والے تمام طلباء کو ٹرافی اور گراں قدر انعام سے نوازا۔ پروگرام کا اختتام مفتی محمد اعظم صاحب قاسمی کی رقت آمیز دعاء پر ہوا۔
Thank you, I’ve just been looking for info about this subject for ages and yours is the best I have discovered so far. However, what about the bottom line? Are you certain about the source?
I haven’t checked in here for some time because I thought it was getting boring, but the last few posts are great quality so I guess I will add you back to my everyday bloglist. You deserve it my friend 🙂