مولانا ڈاکٹر ابوالکلام قاسمی شمسی

ہمارے ملک کے آئین نے ہر بالغ شہری کو اپنی پسند کی حکومت بنا نے کے لئے اچھا اور سیکولر لیڈر ووٹ کے ذریعہ منتخب کرنے کا حق دیا ہے، اس کے لئے حکومت کی جانب سے الیکشن کرایا جاتا ہے، ہر الیکشن سے پہلے ووٹر لسٹ کو درست کیا جاتا ہے، اس کے لئے ووٹر لسٹ شائع کیا جاتا ہے، تاکہ لوگ ووٹر لسٹ کو چیک کرکے دیکھ لیں کہ ان کا نام ووٹر لسٹ میں موجود ہے کہ نہیں؟ اگر نہیں ہے تو اس کو شامل کرانے کی کارروائی کی جائے ، یا جن کا نام پہلے سے شامل نہیں ہے، وہ بھی اپنے نام کو جوڑوانے کے لئے ضروری کاروائی کریں.
2024 کا پارلیمانی الیکشن قریب ہے، اس کے لئے حکومت کی جانب سے ووٹر لسٹ کو شائع کیا گیا ہے، تاکہ ہر ووٹر اپنے نام کو چیک کرکے دیکھ لے یا کوئی غلطی ہوتو اس کو درست کرالے، جس کی عمر بعد میں 18؍سال کی ہوئی ہو وہ اپنے نام کو شامل کرالے۔ اس کی آخری تاریخ 15؍ستمبر 2023ء ہے۔ ووٹر لسٹ کو چیک کرنا؍ نام درست کرانا اور نام شامل کرانا ایک اہم کام ہے، اس کے لئے بیداری مہم اور عملی اقدامات کی ضرورت ہے۔ اس کام کو جلد مکمل کرنے کے لئے مندرجہ ذیل طریقے اختیار کئے جائیں ۔(1) ہر محلہ میں محلہ کمیٹی بنائی جائے، جس میں محلہ کے چند نوجوان شامل ہوں۔ (2) کمیٹی کے ممبران ہر گھر کا سروے کریں۔ (3)کمیٹی کے ممبران لوگوں کے نام الیکشن کمیشن کے ویب سائٹ پر چیک کریں، جن کا نام نہ ہو ان کے لئے فارم پُر کرا کے بی ایل او کے پاس جمع کریں یا امیدوار براہ راست آن لائن فارم بھر کر جمع کریں اور بی ایل او کے رابطہ میں رہیں۔(4) اگر محلہ میں انتظام نہ ہو، تو آن لائن سینٹر پر جاکر ووٹر لسٹ میں نام درج کرائیں۔یا نام میں غلطی ہو تو اس کی تصحیح کرائیں ، وقت کم ہے ، اس کا خیال رکھیں۔