کربلا کی سب سے بڑی سچائی

از ـ محمود احمد خاں دریابادی

سانحہ کربلا کیوں ہوا؟ اس میں کون کون شامل تھا؟ غلطی کس کی تھی، کون ذمہ دار تھا ؟ ………… یہ ساری متضاد تاریخی روایات ایک طرف رکھئے ـ دوسری طرف سب سے بڑی اس سچائی سے بھی کسی نے انکار نہیں کیا کہ اسی سانحہ میں سیدنا حسین رضی اللہ عنہ کی جان گئی ہے ـ

اب ذرا سوچئے! ہم سب کے آقا و مولا سیدالکونین صلی اللہ علیہ وسلم حضرات حسنین کریمین سے جس طرح والہانہ پیار کرتے تھے اگر وہ حیات ہوتے اور انھیں یہ اطلاع ملتی کہ ان کے پیارے نواسے حسین قتل کردئے گئے تو ان کی دلی کیفیت کیا ہوتی؟ تکلیف ہوتی یا نہیں؟

مجھ بندہ عاصی کا مزاج تو یہ ہے کہ جو فعل ہمارے آقا کے لئے باعث کلفت ہو ہم اس پر روایات کی موشگافیاں کرکے ان کے لئے مزید تکلیف کا سامان کیوں کریں ـ ………. باقی آپ کی مرضی؟ سوچ لیجئے ! محشر میں رسول اللہ کا سامنا کیسے کرپائیں گے؟